Nytt nummer – Replikk #33: BARN ute no!

Replikk #33 er no å få kjøpt i utvalde bokhandlarar i Bergen, Oslo og Trondheim.

Replikk #33 tar for seg temaet barn, og byr på i alt 11 bidrag. Sju artiklar ser på korleis det er å vere barn og ungdom sett frå ulike faglege hald. Morten Bøås og Ingunn Bjørkhaug skriv om barn i Nord-Uganda, medan Lise Holt drøftar boka Barndom av Nathalie Sarraute.  Ingvill C. Mochmann ser på konsekvensane for barn av soldatar i krig, Merethe Wolf Lindwall viser korleis musikkteratpi kan vere eit godt tiltak for barn med uro, og Julie Ane Ødegaard skriv om politisk læring blant unge. Dag Espolin Torgerstuen spør seg om barn kan vere vonde, og Pål Berg Svenungsen avsluttar det heile med ein tekst om barn og barndom i mellomalderen.

Elles kan ein lese eit spennande intervju med avtroppande barneombod Reidar Hjermann. Redaksjonen til Replikk er òg stolte av å by på eit flott kunstbidrag av Gro Gjengedal Navelsaker, og ikkje minste to flotte forteljingar av fjortenåringane Louise Amdam og Synne Bjerkestrand, som går i åttande klasse på Rothaugen ungdomsskule i Bergen.

Dersom du ikkje bur i nærleiken av stadane som sel Replikk, treng du ikkje fortvile, for det er fullt mogleg å bestille tidsskriftet på nett. Du skriv anten ein epost til replikk@uib.no eller tingar eit abonnement her (vel «kjøp» i menyen). Enkeltnummer kostar 35 kroner, medan eit årsabonnment får ein til berre 60 kroner.

Ein får kjøpt Replikk» #33 hjå desse bokhandlarane:

Studia
Villaveien 10, 5007 Bergen

Norli Galleriet
Torgallmenningen 8, 5014 Bergen

Ark Beyer Strandgaten
Strandgt. 4, 5013 Bergen

Akademika Blindern
Problemvn. 9, 0314 Oslo

Ark Egertorget
Øvre Slottsgt. 23/25, 0157 Oslo

Norli Bokhandel
Universitetsgata 20-24, 0162 Oslo

Torpedo
Hausmanns gate 42, 0182 Oslo

Norli Nordre gate
Dronningens gate 14, 7011 Trondheim

, 24/05/2012. Category: Nyheter, Replikk. Tagged: , .